გრამატიკა

ქართულში გვაქვს ზმნები,რომლებიც პირველსა და მეორე პირში -ვარ და -ხარ მეშველ ზმნას საჭიროებენ. "მეშველი ზმნა" ანუ ზმნა, რომელიც გვშველის , გვეხმარება,რომ გარკვეული მოქმედება უფრო მეტი სიზუსტით გადმოვცეთ.

დავაკვირდეთ ზმნებს :

მივდივარ, მიდიხარ, მივქრივარ, მიქრიხარ, ეს ზმნები მოძრაობა–გადაადგილების აღმნიშვნელი ზმნებია.

ვწევარ, წევხარ... ვდგავარ, დგახარ, ვზივარ, ზიხარ, . .. ეს ზმნები კი მდგომარეობის აღმნიშვნელი ზმნებია.

ქართულში ასევე გვაქვს ზმნები, რომლებიც ასევე მეშველი, -ვარ და -ხარ, ზმნების გამოყენებით იხმარება. ასეთებია: ვმღერივარ, მღერიხარ, ვტირივარ, ტირიხარ, ვკივივარ, კივიხარ... ეს არასწორია!!! აღნიშნული ზმნები გარკვეულ ხმიანობას გამოხატავენ, ე.ი.ხმიანობის აღმნიშვნელი ზმნებია.

• დავიმახსოვროთ შემდეგი:

მდგომარეობისას და მოძრაობის აღმნიშვნელ ზმნებთან მეშველი ზმნის გამოყენება აუცილებელია და სწორია: მივრბივარ, მიხტიხარ, წევხარ,მიდიხარ... ხოლო ხმიანობის აღმნიშვნელ ზნმებთან მეშველი ზმნის გამოყენება არამც თუ არაა აუცილებელი,არამედ შეცდომაა.

სწორია: ვმღერი, ვტირი, ვკივი ...

შეცდომაა: ვმღერივარ, ვტირივარ, ვკივივარ...

-ვარ და -ხარ მეშველი ზმნა არც აკრძალვით ფორმებში არ არის საჭირო და არ უნდა გამოვიყენოთ უნდა ვთქვათ: ნუ მღერი! ნუ ტირი! ნუ კივი!