06.02.13

პატ. მშობლებო, თუ არ მიწყენთ, პატარა მითითება, ჩემგან,ბავშვებისთვის საათის ცნობის შესწავლასთან დაკავშირებით!!!

ამქვეყნად ყველაფერს თავისი დრო აქვს. მოდის ის დროც, როცა პატარები დროის მიმართ იჩენენ ინტერესს. ბავშვისთვის საათი მართლაც საოცარი რამაა - ციფერბლატი, ისრები, წიკწიკი... როგორ ავუხსნათ პატარას, რა არის ეს ნივთი და როგორ განსაზღვრავს იგი დროს?

ბავშვისთვის პროცესი გაცილებით საინტერესო და სახალისო იქნება, თუ მუყაოსგან ერთად გააკეთებთ სათამაშო საათს.

დაუკავშირეთ იგი დღის რეჟიმს, მიუთითეთ პატარას, როდის დგება, ჭამს, თამაშობს, სეირნობს და იძინებს. ნუ გამოიყენებთ ამ პროცესში რთულ ტერმინებს, ეცადეთ, მხოლოდ ბავშვისთვის გასაგები სიტყვებით ისაუბროთ. იმისთვის, რომ ბავშვმა დროში ორიენტირება და კითხვებზე პასუხის გაცემა შეძლოს, მან უნდა იცოდეს, რა არის აწმყო, წარსული და მომავალი, თუმცა ეს ინფორმაციაც საინტერესო და სახალისო ფორმით უნდა მიიღოს. ბავშვს უნდა ავუხსნათ, რას გვიჩვენებს პატარა ისარი, ავუხსნათ, რომ ერთ საათში სამოცი წუთია, 

სათამაშო საათზე ბავშვს უნდა ვუჩვენოთ, როგორ გადის დრო, უნდა ვთხოვოთ, დაასახელოს ციფრი, რომელზეც ისარი დგას. არავითარ შემთხვევაში არ უნდა ავჩქარდეთ, რათა პატარა არ დავაფრთხოთ ან არ შევაშინოთ; უნდა მივცეთ ბავშვს ფიქრის საშუალება, დრო და დრო დავეხმაროთ, საბოლოოდ კი აუცილებლად შევაქოთ. არავითარ შემთხვევაში არ უნდა გადავაქციოთ ეს ყველაფერი რთულ საგანმანათლებლო პროცესად. ბავშვისთვის საათი სათამაშოდ უნდა დარჩეს, რადგან თამაშის ფორმით მიწოდებული ინფორმაცია უფრო ადვილად აღსაქმელი და დასამახსოვრებელია.

• წაუკითხეთ პატარებს!

• საათი, დროის საზომი ხელსაწყო
• >>პირველი მოწყობილობა, რომლის საშუალებით ადამიანმა შეძლო დროის გაზომვა, იყო მზის საათი ძვ. წ. III ათასწლეულში. შუა საუკუნეებში უმარტივესი საათის დანიშნულებას ასრულებდა გნომონი

.>>ძველ ეგვიპტესა და საბერძნეთში იყენებდნენ ამავე პრინციპზე დამყარებულ მზის საათს  მზის საათი პეკინის აკრძალულ ქალაქში. გნომონი ამ შემთხვევაში ლითონის ისარია., 

 რომელსაც ჰქონდა ვერტიკალური და ჰორიზონტალური დანაყოფებიანი წრე-ციფებრლატი ^[1] დღის განმავლობაში მზის ჩრდილი ეცემოდა ციფერბლატს და წრეზე მოძრაობდა. ასე იგებდნენ დროს.

>>შუა საუკუნეებში რაინდები შერკინებისას დროის გასაზომად ქვიშის საათს იყენებდნენ, რომელიც ასევე ნივთიერების თანაბარი მოძრაობის ათვლას ემყარებოდა. ბრძოლა მთავრდებოდა მაშინ, როცა ქვიშა საათის ერთი ნაწილიდან მეორეში ჩაიცლებოდა.

>>მექანიკური საათები მე-6 საუკუნიდან მოიხსენიება. საათის კონსტრუქციამ და სამოძრაო მექანიზმმა დიდი ცვლილებები განიცადა. თანამედროვე მექანიკური საათის გამომგონებელია კრისტიან ჰიუიგენსი, რომელმაც 1657 წელს საათის ისრების ასამოძრავებლად ქანქარა გამოიგონა.

• 2-ზე გამრავლება პრეზენტაცია -2

• სახალისო მათემატიკა 

ზოოპარკში

ზოოპარკში 8 მელიაა. კურდღლები 2-ით ნაკლებია, ვიდრე მელიები, ხოლო ზღარბები - 2-ჯერ ნაკლები, ვიდრე კურდღლები.   რამდენი კურდღელი და რამდენი ზღარბია ზოოპარკში?

ქართული

 დავალება. ამოიწერეთ ანდაზებიდან მხოლოდ ის არსებითი სახელები, რომელთაც დაესმით კითხვა ვინ?

მშიშარა მეგობარი მტერზე უარესიაო.

ნავში მჯდომი მენავეს ეჩხუბებოდაო.

მეჭურჭლე ქოთანს საითაც უნდა, იქიდან გამოაბამს ყურსაო.

გმირი მოკვდება, მაგრამ სახელი დარჩებაო.

უსწავლელი ქვაზე დაჯდა და ქვა ქვას დაემატაო.

ძაღლი ვინც მოკლა, მანვე გაათრიოსო.