დავალებები (I) (II) ( III) IV კლასი

...წიგნმა ასე იცის...ერთხელ თუ შეგიყვარდა, ვეღარ მოშორდები. ლიტერატურა თავისას იზამს და იგი თავს შეგაყვარებთ. ხოდა, მოსინჯეთ, ჩემო პატარებო, თუ მაინც არ გჯერათ ჩემი ,იკითხეთ ბევრი და თავად დარწმუნდებით ჩემი სიტყვების სიმართლეში.

. . . . . . . . . . . . . თქვენი ირინა მასწავლებელი

...ჩახუტება ძალიან ბევრს ნიშნავს, განსაკუთრებით ბავშვებისთვის.მე არ ვმოქმედებ წიგნებში დაწერილი კანონების მიხედვით. მე ვუჯერებ და მივყვები მხოლოდ გულის ხმას. ვფიქრობ, ყველაზე საშინელი ავადმყოფობა რაც მსოფლიოს აწუხებს – გულცივობა და სიყვარულის ნაკლებობაა. მე ვიცი, რომ შემიძლია ხალხს მივცე ჩემი სიყვარული და სითბო მხოლოდ ერთი წუთით, ნახევარი საათით, ერთი დღით…თვით, მაგრამ ხომ ვახერხებ და ხომ შემიძლია; –ეს არის ის, რისი კეთებაც მანიჭებს ბედნიერებას.

. . . . . . . . . . . . . . . . . . . . . . . . . . . . . . . პრინცესა დ ა ი ა ნ ა.. . . . . . .. . . [ასე მგონია ჩემი სიტყვებია :) ]

четверг, 3 апреля 2014 г.

შედეგები (ტესტი 03.04.14)

საბოლოო შედეგები დაიდება ...ორივე კლასის, ასევე ტესტიც .

საინგილო

საინგილო მდებარეობს ისტორიული კახეთის ჩრდილოეთ-აღმოსავლეთი ნაწილში, თანამედროვე აზერბაიჯანში .

ჰერეთი , ამჟამინდელი საინგილო , საქართველოს ისტორიულ ნაწილს წარმოადგენდა ყოველთვის და ოდითგანვე ქართველური ტომებით ყოფილა დასახლებული, XVI-XVII საუკუნეებში ოსმალეთისა და სპარსეთის გამუდმებულმა აგრესიამ და დაღესტნელი ფეოდალების თავდასხმებმა ამ მხარის ეკონომიკური და პოლიტიკური დაცემა გამოიწვია, ნადგურდებოდა მკვიდრი ქართველი მოსახლეობა.

ტერმინი „საინგილო“ XIX საუკუნეში დამკვიდრდა ინგილოებით დასახლებული მხარის აღსანიშნავად. გამაჰმადიანებულ ქართველს ინგილოს ეძახდნენ, რაც თურქულად “ახლად მორჯულებულს” ნიშნავს. აქედან წარმოსდგება სახელები “ინგილო” და “საინგილო”.

იაკობ გოგებაშვილი მოგვითხრობს : "ეს მხარე სპარსეთს დიდი ხანი ეჭირა და აქ მცხოვრებნი ქართველები გაამაჰმადიანა. ბოლოს დროს ბევრი ქრისტიანობაზე მოიქცა , ზოგი კი ისევ მაჰმადიანია.ყველა ინგილომ ორი ენა კარგად იცის ქართული და თათრული." [საგანძური"]

1921 წლიდან ეს უძველესი მიწა აზერბაიჯანის საზღვრებში მოექცა. დღეს ქართველები საინგილოპს სამივე რაიონში[ბელაქანის, ზაქათალის და კახის] ცხოვრობენ. კახის რაიონში მცხოვრებმა ინგილოებმა შეინარჩუნეს ქრისტიანული რწმენა. მიუხედავად ყველაფრისა ისინი მაინც ცდილობენ შეინარჩუნონ ქართული ადათ-წესები, არ ივიწყებენ ქართულ ენას და თავსაც ნამდვილ ქართველებად მიიჩნევენ.